༄༅།།   ཆོལ་གསུམ་བོད་མིའི་ཞི་རྒོལ་ལས་འགུལ་ཆེན་མོ།

གསར་འགོད་གསལ་བསྒྲགས།

ཕྱི་ལོ་ ༢༠༠༨ ཟླ་ ༥ ཚེས་ ༣༡

བཀས་བཀོད་རྒྱུན་འཛིན་པའམ། སྲིད་དབང་སྒེར་འཛིན་པའི་ཐོ་གཞུང༌།

༄༅། །འདི་ལོ་ཨ་རིའི་གྲོང་ཁྱེར་ནིའུ་ཡོག་ནས་འདོན་སྤེལ་བཞིན་པའི་པེ་རེཌ་ཞེས་པའི་བརྙན་དེབ་ Parade Magazine ཕྱི་ལོ་ ༢༠༠༨ ཟླ་ ༢ ཚེས་ ༡༨ འཁོད་པའི་འདོན་ཐེངས་ནང་འདས་པའི་ལོ་འཁོར་གྱི་འཛམ་གླིང་ནང་གི་བཀས་བཀོད་རྒྱུན་འཛིན་པའམ། སྲིད་དབང་སྒེར་འཛིན་པའི་རྒྱལ་ཁབ་གྱི་དབུ་འཁྲིད་སྡུག་ཤོས་བཅུ་ཡི་མིང་གཞུང་ཁྱབ་སྤེལ་བྱས་ཡོད། དེ་ཁོངས་ཨང་ལྔ་པར་རྒྱ་ནག་གི་སྲིད་འཛིན་ཧུ་ཅིན་ཐའོ་འཁོད་ཡོད་པ་དང༌། Read the rest of this entry »

ད་དུང་རྒྱ་ནག་གཞུང་གིས་བོད་མི་དམར་གསོད་གཏོང་བཞིན་ཡོད།

2008-05-29

༄༅༎   ཁམས་དཀར་མཛེས་རྫོང་ཕི་ཀང་ཤང་སྡེའི་བུ་མོ་རིན་ཆེན་ལྷ་མོས།   ཕྱི་ཟླ་ ༥ པའི་ཚེས་ ༢༨ ཉིན་ དཀར་མཛེས་གྲོང་ཁྱེར་དུ་ཞི་བའི་ངོ་རྒོལ་སྐད་འབོད་བྱེད་སྐབས།    རྒྱ་ནག་ས་གནས་ཉེན་རྟོགས་མི་སྣས་བུ་མོ་རིན་ཆེན་ལྷ་མོའི་བརླ་ཐོག་ཏུ་མེ་མདའ་བརྒྱབས་ཏེ་རྨས་སྐྱོན་ཚབས་ཆེ་བཟོས་ཡོད་པ་མ་ཟད།      སྨན་བཅོས་བྱེད་རྒྱུའི་ཐོབ་ཐང་ཡང་མེད་པར་བཙན་དབང་གིས་བཙོན་འཇུག་བྱས་ཡོད་ཅིང་།  Read the rest of this entry »

གསར་འགོད་གསལ་བསྒྲགས།

ཕྱི་ལོ་ ༢༠༠༨ ཟླ་ ༥ ཚེས་ ༢༩

༄༅། །  ཁུངས་ལྡན་གནས་ཚུལ་ལྟར་ན། ཕྱི་ཟླ་ ༥ ཚེས་ ༢༨ ཉིན་གྱི་སྔ་དྲོ་ཆུ་ཚོད་དགུ་པའི་ཐོག་དཀར་མཛེས་རྫོང་དུ་བྲག་དཀར་བཙུན་དགོན་གྱི་བཙུན་མ་སངས་རྒྱས་ལྷ་མོ་དང༌། ཚེ་དབང་མཁའ་འགྲོ། ཡེ་ཤེས་ལྷ་སྒྲོན་བཅས་གསུམ་གྱིས་ྋགོང་ས་མཆོག་སྐུ་ཚེ་བརྟན་པ་དང་བོད་དུ་གདན་ཞུ་དགོས་པ། བོད་ལ་རང་དབང་དགོས་པ། རྒྱ་གཞུང་གིས་འཛིན་བཟུང་བྱས་པའི་བོད་ཀྱི་ཆབ་སྲིད་བཙོན་པ་རྣམས་གློད་དཀྲོལ་དགོས་པ་བཅས་ཀྱི་ངོ་རྒོལ་སྐད་འབོད་བྱས་པར་བརྟེན་རྒྱ་གཞུང་གིས་འཛིན་བཟུང་བྱས་འདུག Read the rest of this entry »

༄༅།།  ༧སྤྱི་ནོར་ྋགོང་ས་སྐྱབས་མགོན་ཆེན་པོ་མཆོག་གིས་

བོད་རིགས་ཡོངས་ལ་བསྩལ་བའི་གསུང་འཕྲིན།

༄༅།།    གངས་ལྗོངས་བོད་ཆོལ་ཁ་གསུམ་གྱི་ཁྱོན་དུ་གནས་པའི་བོད་རིགས་ཡོངས་ལ་གདུང་སེམས་ཀྱིས་འཚམས་འདྲི་དང་བཅས་བསམ་ཚུལ་འགའ་ཤས་ཞུ་འདོད་བྱུང༌།

༡། འདི་ལོ་ཕྱི་ཟླ་ ༣ པའི་ཚེས་ ༡༠ ནས་བཟུང་ད་ལྟའི་བར་གངས་ལྗོངས་མཐའ་དབུས་ཡོངས་དང༌། མཐའ་ན་རྒྱ་ནག་གི་གྲོང་ཁྱེར་ཁག་ཏུ་ཡོད་པའི་སློབ་ཕྲུག་ཡན་ཆད་ནས་དུས་ཡུན་རིང་པོའི་བར་མི་རིགས་ཀྱི་ཐོབ་ཐང་དང༌། ཆོས་དད་རང་དབང་མེད་པ། དངོས་ཡོད་འཁྱོག་བཤད་སྒྲོ་སྐུར་རྟག་ཏུ་བྱེད་པ་དཔེར་ན་བོད་མི་རྣམས་ནས་གུང་ཁྲན་ཏང་སངས་རྒྱས་སུ་ལྟ་བ་ཟེར་བ་ལྟ་བུ་དྲང་བདེན་མིན་ལ་གཡོན་ཐལ་དང་རྒྱ་རིགས་ཆེན་པོའི་རིང་ལུགས་ཀྱི་བསམ་སྤྱོད་རྒྱུན་མར་བྱུང་བས་ཡིད་བློ་མ་ཁེངས་པའི་སེམས་ཚོར་གཏིང་ཟབ་རིམ་བསགས་ཡོད་པ་རྣམས་འུ་ཐུག་ཐབས་ཟད་ཀྱིས་ཞི་བའི་སྒོ་ནས་མངོན་འདོད་གསལ་བཏོན་བྱས་པ་ལ་དམར་གཞུང་གིས་གོ་མཚོན་བེད་སྤྱོད་ཀྱིས་དྲག་གནོན་ཚབས་ཆེན་བྱས་པའི་དབང་གིས་དུས་ཟིང་ཅི་ཆེ་བྱུང་སྟེ་མི་མང་པོ་ལ་སྲོག་སྐྱོན་དང༌། Read the rest of this entry »

༧ཏཱ་ལའི་བླ་མ་སྐྱེ་ཕྲེང་བཅུ་བཞི་པས་རྒྱ་རིགས་

ཆོས་ཀྱི་སྤུན་ཟླ་ཡོངས་ལ་འབོད་བསྐུལ།

༄༅།།    དེ་རིང་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་ཕྱི་ནང་གཉིས་སུ་འཁོད་པའི་རྒྱ་རིགས་ཆོས་ཀྱི་སྤུན་ཟླ་སྤྱི་དང༌།   ལྷག་པར་ནང་པའི་རྗེས་འཇུག་པ་རྣམས་ལ་ངོས་ནས་འབོད་བསྐུལ་ཞིག་བྱེད་འདོད་བྱུང༌།དེ་ཡང་རང་ཉིད་ནང་པའི་དགེ་སློང་ཞིག་དང༌།   ང་ཚོའི་སྐྱབས་གནས་བདག་ཅག་གི་སྟོན་པ་སངས་རྒྱས་ཀྱི་རྗེས་འབྲངས་པ་ཞིག་ཡིན་པའི་ཆ་ནས་འབོད་བསྐུལ་འདི་ཞུ་གི་ཡོད། Read the rest of this entry »

རྟ་དཔོན་ཚང་གི་བུ་མོ་རིན་ཆེན་ལྷ་མོ།

༄༅། །ཁུངས་ལྡན་གནས་ཚུལ་ལྟར་ན། དེ་རིང་ཕྱི་ཟླ་ ༥ ཚེས་ ༢༨ ཉིན་གྱི་སྔ་དྲོའི་ཆུ་ཚོད་བཅུ་པའི་ཐོག ཁམས་དཀར་མཛེས་རྫོང་དུ་རྟ་དཔོན་ཚང་གི་བུ་མོ་རིན་ཆེན་ལྷ་མོ་ཞེས་པ། རང་ལོ་ ༢༡ ལ་སོན་པ་ཞིག་གིས་བོད་ཀྱི་རྒྱལ་དར་འཕྱར་བཞིན་བོད་རང་བཙན་ཡིན། ྋརྒྱལ་བ་རིན་པོ་ཆེ་བོད་དུ་གདན་འདྲེན་ཞུ་དགོས། རྒྱ་མི་བོད་ནས་འགྲོ་དགོས་སོགས་ཀྱི་ཡིག་ཆ་མང་པོ་གཏོར་ཏེ་སྐད་འབོད་བྱས་འདུག Read the rest of this entry »

ཁམས་དཀར་མཛེས་རྫོང་དུ་བཙུན་མ་གཉིས་ཀྱིས་ཞི་རྒོལ་བྱས་པ།

ཕྱི་ཟླ་༥ཚེས་༢༣ཉིན།

ཁམས་དཀར་མཛེས་རྫོང་ཁོངས་དར་རྒྱས་ཧར་བསྡུ་བཙུན་དགོན་གྱི་བཙུན་མ་བྱམས་པ་ལྷ་མོ་དང༌།   རིག་འཛིན་དབང་སྒྲོན་གཉིས་ཀྱིས་དཀར་མཛེས་རྫོང་ཐོག་ཏུ་ྋགོང་ས་མཆོག་སྐུ་ཚེ་ཁྲི་ལོར་བརྟན་པར་ཤོག    ༧ྋགོང་ས་མཆོག་བོད་དུ་གདན་འདྲེན་ཞུ་དགོས།   བོད་ལ་རང་དབང་དགོས་སོགས་ཀྱི་ངོ་རྒོལ་སྐད་འབོད་བྱས་པར་བརྟེན།    རྫོང་སྤྱི་བདེ་ཉེན་རྟོག་པ་དང༌།   དྲག་ཆས་དམག་མིས་ཁོང་གཉིས་པོར་ཉེས་རྡུང་ཚད་མེད་གཏོང་བཞིན་འཛིན་བཟུང་བྱས་ཡོད་པའི་གནས་ཚུལ་འདུག Read the rest of this entry »

སྤང་རི་སྣ་བཙུན་དགོན་གྱིས་བཙུན་མ་ཕལ་མོ་ཆེས་དཀར་མཛེས་རྫོང་ཐོག་ཏུ་ཞི་རྒོལ་བྱས་པ།

ཕྱི་ཟླ་༥ཚེས་༡༤ཉིན།

བོད་ནང་གི་དགོང་དྲོའི་ཆུ་ཚོད་༥ཡས་མས་སུ།  ཁམས་དཀར་མཛེས་རྫོང་སྲིབ་ངོ་ཤང་ཁོངས་སུ་ཡོད་པའི་སྤང་རི་སྣ་བཙུན་དགོན་གྱི་བཙུན་མ་༦༠ལྷག་གིས་དཀར་མཛེས་རྫོང་ཐོག་ཏུ་ཞི་བའི་སྐད་འབོད་བྱས་པར་བརྟེན།  ཉེན་རྟོག་པ་དང་དྲག་ཆས་དམག་མིས་ཁོང་ཚོར་ཁྲོམ་གཞུང་དུ་ཉེས་རྡུང་ཚབས་ཆེ་གཏོང་བཞིན་བཙུན་མ་༥༢འཛིན་བཟུང་བཙན་འཁྲིད་བྱས་ཤིང༌།  འཕྲོས་འཛིན་བཟུང་མ་ཐུབ་པ་རྣམས་ད་ལྟ་གར་ཡོད་ཤེས་རྟོགས་མི་འདུག  རྒྱུན་གཏན་བཙུན་དགོན་དེར་བཙུན་མ་༨༠ལྷག་ཙམ་ཡོད་ཀྱང༌།   Read the rest of this entry »

མི་ཉག་ལྷ་སྒང་དུ་ངོ་རྒོལ།

ཕྱི་ཟླ་༤ཚེས་ཤར།

སི་ཁྲོན་ཞིང་ཆེན་དཀར་མཛེས་བོད་རིགས་རང་སྐྱོང་ཁུལ་དར་རྩེ་མདོ་རྫོང་ཁོངས།  མི་ཉག་ལྷ་སྒང་ཨ་ཅ་རུ་གསར་སྡེ་བར་གནས་སྡོད་ལྷག་པ་ཞེས་པ་ཞིག་གིས།  རྒྱ་དམག་གི་མོ་ཊ་མང་པོ་ས་གནས་དེར་ཡོང་བའི་སྐབས་དང་བསྟུན་བོད་ཀྱི་རྒྱལ་དར་འཕྱར་ཏེ་ྋརྒྱལ་བ་རིན་པོ་ཆེ་བོད་དུ་གདན་འདྲེན་ཞུ་དགོས།   བོད་རང་བཙན་གཙང་མ་ཡིན།  ཞེས་སོགས་ཀྱི་སྐད་འབོད་བྱས་འདུག་པ་དང།་བོད་མི་རེ་ཟུང་གིས་སྐབས་དེར་གཞོགས་འདེགས་བྱས་འདུག་ཀྱང༌།  དེ་རྗེས་ཁོང་འཛིན་བཟུང་བྱས་རྗེས་གར་སོང་ཤེས་རྟོགས་མི་འདུག Read the rest of this entry »

འབའ་ཆོས་སྡེ་དགོན་པའི་མཁན་པོ་དང་དགེ་རྐོས་འཛིན་བཟུང་།

ཕྱི་ཟླ་༤ཚེས་༢ཉིན།

སི་ཁྲོན་ཞིང་ཆེན་དཀར་མཛེས་བོད་རིགས་རང་སྐྱོང་ཁུལ་འབའ་ཐང་རྫོང་གི་འབའ་ཆོས་སྡེ་དགོན་པར་ལས་དོན་རུ་ཁག་སླེབས་ཡོད་པ་དང༌།  

དགོན་པའི་གྲྭ་མང་ལ་ལྷ་སར་བྱུང་བའི་ཟིང་འཁྲུག་དེ་དག་ཏཱ་ལའི་བླ་མས་བརྒྱུད་བསྐུལ་བྱས་པ་རེད་ཅེས་པའི་ཡིག་ཆར་མོས་མཐུན་མིང་རྟགས་བཀོད་དགོས་ལུགས་བཤད་པར།  དགོན་དེར་དགེ་འདུན་པ་༢༠༠ཙམ་ཡོད་པ་ཚང་མས་ཁས་ལེན་རྩ་བ་ནས་མ་བྱས་སྟབས།  ལས་དོན་རུ་ཁག་དང་མུ་མཐུད་རྩོད་གླེང་བྱུང་འདུག   Read the rest of this entry »