༄༅།།   ཆོལ་གསུམ་བོད་མིའི་ཞི་རྒོལ་ལས་འགུལ་ཆེན་མོ།

དམིགས་བསལ་ཚོགས་ཆེན་གྱིས་རྒྱ་ནག་ལ་འགྲམ་ལྕགས་གཞུས་འདུག

ངས་བལྟས་ན།   ད་ཐེངས་ཚོགས་ཆེན་འདིས་ནུས་པ་ཆེན་པོ་ཐོན་འདུག་སྙམ།   ཚོགས་འདུའི་འཐུས་མི་ཚོས་འཛམ་གླིང་གི་མདུན་སར་རྒྱ་ནག་སྲིད་གཞུང་ལ་འགྲམ་ལྕགས་ཚ་ཐག་ཆོད་ཅིག་གཞུས་ཐུབ་ཡོད་པ་རེད།   དེ་ཚོགས་འདུའི་གྲུབ་འབྲས་རེད།    རྒྱུ་མཚན་གང་ཡིན་ཟེར་ན།   རྒྱ་ནག་སྲིད་གཞུང་གིས།    ནམ་རྒྱུན་༧གོང་ས་མཆོག་གིས་བོད་མི་མང་གི་མགྲིན་ཚབ་པ་བྱེད་མི་ཐུབ་ལ།    བོད་ཀྱི་གནད་དོན་ཐག་གཅོད་བྱེད་རྒྱུའི་ཐོབ་ཐང་དེ་བས་ཀྱང་མེད་ཅེས་ཁྱི་ཟུག་ཟུག་བྱས་ནས་ཤོད་ཀྱིན་ཡོད་པ་རེད།     ད་ཐེངས་བོད་གཞི་བྱེས་གཉིས་ཀྱི་བོ་ངོའམ་བསམ་ཚུལ་མཚོན་ཐུབ་པའི་ཚོགས་ཆེན་འདིའི་ཐོག    བོད་མི་མང་གིས་༧གོང་ས་མཆོག་ལ་དད་དམ་འགྱུར་མེད་དང་།    བློ་གཏད་ཡིད་ཆེས་བརྟན་པོའི་ཐོག་ནས་མ་འོངས་བོད་ཀྱི་གནད་དོན་དང་དཀའ་སྡུག་ཐག་ཆོད་ཀྱི་དབང་ཆ་ཡོད་ཚད།    ༧གོང་ས་མཆོག་གི་ཕྲག་སྟེང་དུ་ཡར་བཀལ་ཏེ།   བོད་ཀྱི་བདག་དབང་ཡོངས་སུ་རྫོགས་པ་ཁོང་ལ་ཡོད་པ་གསལ་སྟོན་བྱས་ཡོད་པས།    འཛམ་གླིང་མི་མང་གི་མདུན་སར་རྒྱ་ནག་ཕམ་པ་རེད།    ད་ནས་བཟུང་རྒྱ་ནག་སྲིད་གཞུང་གིས།    ༧གོང་ས་མཆོག་ལ་བོད་ཀྱི་གནད་དོན་ཐག་གཅོད་ཀྱི་དབང་ཚད་མེད་ཟེར་བ་དེར་རྫོགས་ཚིག་བཞག་པ་རེད།    

དེར་བརྟེན་ངས་ད་ཐེངས་ཀྱི་དམིགས་བསལ་ཚོགས་འདུ་དེ་དོན་དང་ལྡན་པ་བྱུང་སྟེ་རྒྱལ་ཁའི་ངང་གྲོལ་འདུག་སྙམ།    འོན་ཀྱང་སྤྱིར་བཏང་མང་གཙོའི་རྒྱལ་ཁབ་ཅིག་གི་དབང་དུ་བྱས་ནས་བཤད་ན།    མི་སེར་གྱིས་མང་གཙོའི་དབང་ཚད་སྲིད་འཛིན་ནམ་དབུ་འཛིན་ལ་ཡར་ཕུལ་ཏེ།   ཐག་གཅོད་ཡོངས་རྫོགས་སྲིད་འཛིན་གཅིག་པོས་གནང་དགོས་ཞེས་བཤད་ན་ལུགས་མཐུན་ཞིག་མིན་མོད།    ང་ཚོར་རྒྱལ་ཁབ་མེད་པ་མ་ཟད།    བཙན་བྱོལ་བོད་གཞུང་ཡང་༧གོང་ས་མཆོག་གིས་མར་གནང་བའི་མང་གཙོའི་ལམ་ཆེན་ཐོག་གཞི་ནས་སྐྱོད་འགོ་བཙུགས་མ་ཐག་པ་ཞིག་ཡིན་ཞིང་།   ལྷག་པར་དུ་བོད་མི་རིགས་རིག་གཞུང་དང་བཅས་པ་ཉམས་གུད་དུ་འགྲོ་བཞིན་པའི་གནས་སྟངས་ཡ་ང་བ་འདི་ལས་སྐྱོབ་མཁན།    ༧གོང་ས་ཡིད་བཞིན་ནོར་བུ་ཁོ་ན་ལས་མེད་པ་འཛམ་གླིང་མི་མང་གིས་ཤེས་ཀྱིན་ཡོད་ལ།     རྒྱ་ནག་སྲིད་གཞུང་གིས་ཀྱང་ཤེས་ཀྱིན་ཡོད་སྟབས་དེ་ལྟར་ཤོད་ཀྱིན་ཡོད་པ་རེད།   དེ་འདྲ་ཡིན་དུས་ང་ཚོའི་དམིགས་བསལ་ཚོགས་ཆེན་གྱིས་ནུས་པ་ཐོན་པ་རེད།   གཞི་བྱེས་བོད་མི་ཡོངས་ཀྱིས་༧གོང་ས་མཆོག་ལ་ཡིད་ཆེས་ཅི་ཙམ་ཡོད་པ་དང་།    རྡོག་རྩ་གཅིག་སྒྲིལ་ཡིན་པ་གསལ་བོར་བསྟན་པ་རེད།    
ཡང་གཅིག་བཤད་ན།   ༧གོང་ས་མཆོག་དགུང་གྲངས་བདུན་བཅུ་དོན་གསུམ་ལ་སྤེབས་ཚར་བ་རེད།   ད་དུང་སྐུ་ངལ་གསོ་བའི་གོ་སྐབས་མེད་པར་མུ་མཐུད་དུ་བོད་དོན་ཆེན་ཕྱག་ལས་གནང་དགོས་ཞེས་ཞུས་ན།   སྤྱིར་བཏང་གི་མི་ཞིག་ཡིན་ན་མི་འགྲིག་པ་ལྟ་བུ་ཞིག་ཡིན་མོད།   ༧གོང་ས་མཆོག་གིས།   དུས་རྟག་པར།   ཇི་སྲིད་ནམ་མཁའ་གནས་པ་དང་།།   འགྲོ་བའི་སྡུག་བསྔལ་གནས་ཀྱི་བར།།  དེ་སྲིད་བདག་ནི་གནས་གྱུར་ནས།   འགྲོ་བའི་སྡུག་བསྔལ་སེལ་བར་ཤོག  ཅེས་ཐུགས་སྨོན་གནང་གིན་ཡོད་དུས་བྱང་ཆུབ་སེམས་དཔས་ཐུགས་སྨོན་གནང་བ་བཞིན།    སེམས་ཅན་གྱི་དོན་སྒྲུབ་པའི་གོ་སྐབས་རེག་པ་རེད།    སེམས་ཅན་གྱི་སྡུག་བསྔལ་སེལ་རྒྱུ་དེ་བྱང་ཆུབ་སེམས་པའི་ཐུགས་འགན་གྱི་གཙོ་བོ་རེད།   དེར་བརྟེན་༧གོང་ས་མཆོག་ལ་སྐུ་ངལ་ཡོད་པ་སྨོས་མ་དགོས་མོད།   འོན་ཀྱང་སེམས་ཅན་གཅིག་གི་སྡུག་བསྔལ་སེལ་ཆེད་བྱང་ཆུབ་སེམས་དཔའི་དཀའ་ངལ་བརྒྱ་ཕྲག་མང་པོ་ཁུར་དུ་བཞེས་ཐུབ་ཀྱི་རེད་ལ།   བཞེས་ཀྱང་དགོས་ཀྱི་རེད་སྙམ།   

ཕྱི་ལོ།  ༢༠༠༨  ཟླ་ ༡༡  ཚེས་  ༢༢ ཉིན།   རིག་པའི་རྡོ་རྗེས།

༄༅།།བཅའ་ཁྲིམས་དོན་ཚན་ང་དགུ་པའི་འོག་དམིགས་བསལ་ཚོགས་ཆེན་ཐེངས་དང་པོ་བསྐོང་འཚོགས་གནང་བའི་རྒྱབ་གཉེར་སྙན་ཐོ།

ཕྱི་ལོ་ ༢༠༠༨ ཟླ་ ༡༡ ཚེས་ ༢༡ རེས་གཟའ་སྤེན་པ།

༄༅།།ཕྱི་ལོ་༢༠༠༨ཟླ་༩ཚེས་༡༡ཉིན་དཔལ་ལྡན་སྐུ་སྒེར་ཡིག་ཚང་ནས་སྤྱི་འཐུས་ཚོགས་གཙོ་སྦྲེལ་པོ་དང༌།བཀའ་ཤག་ལྷན་རྒྱས་ལ་བསྩལ་བའི་ཕྱག་བྲིས་ནང་༧སྤྱི་ནོར་ྋགོང་ས་ྋསྐྱབས་མགོན་ཆེན་པོ་མཆོག་ནས་བར་ལམ་བོད་ནང་ཛ་དྲག་གི་བྱུང་རྐྱེན་དང༌།རྒྱལ་སྤྱིའི་གནས་བབ་བཅས་ཀྱི་འོག་བོད་ཀྱི་རྩ་དོན་ཐོག་གོ་བསྡུར་བགྲོ་གླེང་ཞིབ་ལྷོད་ཅིག་གནང་ཆེད།བཙན་བྱོལ་བོད་མིའི་བཅའ་ཁྲིམས་དོན་ཚན་ང་དགུ་པའི་ནང་གསེས་ཁག་གི་ཆ་རྐྱེན་འོག་དམིགས་བསལ་ཚོགས་ཆེན་ཞིག་འདི་ལོ་ཕྱི་ཟླ་༡༡།༡༢གང་རུང་ནང་བསྡུ་བསྐོང་དགོས་རྒྱུ་དང༌།ཚོགས་མི་དང་ཚོགས་དུས་བཅས་དེ་ནས་འཆར་འགོད་ཀྱིས་གང་མྱུར་ྋསྙན་འབུལ་གནང་དགོས་ཞེས་བཀའ་སྤྱི་ཕེབས་འདུག Read the rest of this entry »

༄༅༏༏ དམིགས་བསལ་ཚོགས་ཆེན་གྱི་དགོས་པ།

བསྟན་འཛིན་འཇིགས་མེད།

བོད་འབྱོར་རྩོམ་ཡིག 

༄༅༏  སྔ་མོ་བོད་ནང་ཛ་དྲག་གི་དུས་ལ་ཚོགས་འདུ་རྒྱས་འཛོམས་ཞེས་པ་ཞིག་ཚོགས་ནས་གནད་དོན་གལ་ཆེ་ཐག་བཅད་སྲོལ་ཡོད་ཀྱང་ཐེངས་འདིའི་དམིགས་བསལ་ཚོགས་འདུ་འདི་སྔར་གྱི་ཚོགས་འདུ་རྒྱས་འཛོམས་དང་མི་འདྲ། ད་རེས་ཀྱི་ཚོགས་འདུ་འདི་གཅིག་ནས་ད་ལོ་བོད་ནང་ཞི་རྒོལ་གཞི་རྒྱ་ཆེན་པོ་བྱས་པ་ནས་བོད་ནང་ཆབ་སྲིད་ཀྱི་གནས་སྟངས་ཛ་དྲག་ངང་གནས་མུས་དང་གཉིས་ནས་རྒྱ་ནག་གཞུང་ནས་༧གོང་ས་མཆོག་གི་སྐུ་ཚབ་དང་ཐུགས་འཕྲད་སྐབས་རྣམ་འགྱུར་ཤིན་ཏུ་མཁྲེགས་པོ་བསྟན་ཡོད་པ་སོགས་བོད་ཀྱི་ཆབ་སྲིད་ཀྱི་གནས་སྟངས་ཧ་ཅང་གཉན་ཕྲང་གི་མཚམས་འདིར་བོད་ཀྱི་འཐབ་རྩོད་ཀྱི་གནས་བབ་ལ་གོ་བསྡུར་བྱེད་རྒྱུ་དེ་ཡིན། Read the rest of this entry »

སྐུ་ཚབ་གཉིས་ཀྱིས་རྒྱ་ནག་ལ་ཕུལ་བའི་བསམ་ཚུལ།

འདོན་སྤེལ། ༢༠༠༨/༡༡/༡༧

གསར་འགྱུར་ཡོང་ཁུངས་བོད་ཀྱི་དུས་བབ།

ཕྱི་ལོ་ ༢༠༠༨ ཟླ་ ༡༡ ཚེས་ ༡༦ རེས་གཟའ་ཉི་མའི་ཉིན།    དམིགས་བསལ་སྐུ་ཚབ་རྒྱ་རི་བློ་གྲོས་རྒྱལ་མཚན་དང་།    སྐལ་བཟང་རྒྱལ་མཚན་གཉིས་ཀྱིས།    བཞུགས་སྒར་ངྷ་རམ་ས་ལར་བོད་རྒྱའི་འབྲེལ་མོལ་ཐེངས་བརྒྱད་པའི་སྐབས་རྒྱ་ནག་གི་འབྲེལ་ཡོད་དཔོན་རིགས་ཚོར་བཀའ་མོལ་ཅི་ཞུས་དང་།     ༧རྒྱལ་བ་རིན་པོ་ཆེ་མཆོག་དང་བཙན་བྱོལ་བོད་གཞུང་གི་ངོས་ནས་མི་རིགས་ས་གནས་རང་སྐྱོང་གི་ཐད་དགོས་འདུན་ཅི་བཏོན་སོགས་གསལ་བསྒྲགས་སྤེལ་ཡོད་པ་རེད། Read the rest of this entry »

ཁ་སང་ཕྱི་ཚེས་ ༡༤ ཉིན་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་བོད་དོན་དམིགས་བསལ་ཚོགས་ཆེན་ལ་ཆེད་དུ་དམིགས་ཏེ། བོད་ཕྱི་ནང་གཉིས་ཀྱི་བོད་རིགས་ཡོངས་ལ་གལ་ཆེའི་གསུང་འཕྲིན་ཞིག་བསྩལ་ཡོད་པའི་ནང༌། དམིགས་བསལ་ཚོགས་ཆེན་འདི་ནི་གོ་བསྡུར་སྦྱངས་ཤད་ཞིབ་ལྷུག་བྱས་པའི་ལམ་ནས། གཞི་རིམ་མང་ཚོགས་ཀྱི་བསམ་ཚུལ་ངོ་མ་ཅི་ཡིན་ཤེས་རྟོགས་ཡོང་ཐབས་ཁོ་ནའི་ཆེད་དུ་ཡིན་པ་ལས། ཆབ་སྲིད་ཀྱི་ཐབས་བྱུས་སམ་ཁག་དཀྲི་བྱེད་ཡུལ་ལྟ་བུའམ། ཡང་ན། ངེས་ཅན་གྱི་གྲུབ་དོན་གཅིག་གི་ཐོག་འབབ་རེ་བྱེད་པའི་མངོན་པར་མི་གསལ་བའི་དམིགས་ཡུལ་ཡོད་པ་ཞིག་གཏན་ནས་མིན་པ་ངེས་པར་དུ་ཤེས་དགོས། ཞེས་བཀའ་ནན་བསྩལ་ཡོད། Read the rest of this entry »

བདེན་དོན་འཐབ་རྩོད།

གླེང་སློང་།

ངས་འདིར་རང་ཐག་རང་གཅོད་ཀྱི་ཐོག་ནས་བསམ་ཚུལ་ཁ་ཤས་ཞུ་འདོད་བྱུང་།   འདི་ནི་རང་གི་བསམ་ཚུལ་གསལ་བོར་བརྗོད་པ་ཙམ་ལས།   ཚོགས་པ་དང་སྒྲིག་འཛུག་གི་ལངས་ཕྱོགས་མིན་ལ།     ༧གོང་ས་མཆོག་དང་།    བོད་གཞུང་ལ་སྐྱོན་བརྗོད་བྱེད་འདོད་དེ་བས་ཀྱང་མིན་པས།   གཟིགས་མཁན་རྣམས་ཀྱིས་དེ་ལུགས་ལྟར།    དགེ་སྐྱོན་གང་ཡོད་གང་ཟག་སྒེར་གྱི་ཐོག་འགེལ་རོགས་ཞེས་ཐོག་མར་གླེང་སློང་བའི་ཚུལ་གྱིས་ཞུ་བ་ཡིན།

ལོ་རྒྱུས་ལ་གཞི་བཅོལ་ཏེ་བདེན་དོན་འཐབ་རྩོད་བྱེད་དགོས།

དེ་ཡང་བོད་ཀྱི་རྒྱལ་རབས་སྤྱིའི་དབང་དུ་བཏང་ན།   དང་པོ་གནམ་གྱི་ཁྲི་བདུན་དང༌།    སྟོད་ཀྱི་སྟེང་གཉིས།    ས་ཡི་ལེགས་དྲུག    ཆུ་ལ་ལྡེ་བརྒྱད།    བར་གྱི་བཙན་ལྔ།    གཉན་བཞི།    སྨད་ཀྱི་བཙན་བཅུ་སྟེ།   མདོར་ན་སྔ་ཕྱིར་བོད་རྒྱལ་བཞི་བཅུ་ཞེ་གཉིས་ཀྱིས་མི་ལོ་བརྒྱད་བརྒྱ་ལྷག་རིང་བོད་ལ་དབང་བསྒྱུར་ཞིང་།    བོད་རང་བཙན་དུ་གནས་ཡོད་པ་མ་ཟད།   ལྷག་པར་དུ་མེས་དབོིན་རྣམ་གསུམ་གྱི་རིང་བོད་འདི་སྟོབས་ཆེན་རྒྱལ་ཁབ་ཅིག་གི་ངོ་བོར་གནས་ཡོད་པ།    རྒྱ་ནག་གཞུང་གིས་ཀྱང་ཁས་ལེན་བྱེད་བཞིན་ཡོད་པ་འདི་རེད། Read the rest of this entry »

༄༅།།   ཏུའུ་ཆིང་ལིན་གྱིས་ཏཱ་ལའི་བླ་མ་སྒེར་གྱི་འཐུས་མི་འཁོར་དང་བཅས་པར་མཇལ་འཕྲད་གནང་བ།

ཀྲུང་གོའི་བོད་ལྗོངས་ཆ་འཕྲིན་ལྟེ་གནས་ཟེར་བའི་དྲ་ཚིགས་ཐོག་སྤེལ་འདུག་པ་ཐད་ཀར་འདིར་བཀོད།       

སྤེལ་དུས།　༢༠༠༨   ༡༡   ༧　

ཉེ་ལམ་པེ་ཅིང་དུ་རྒྱལ་ཡོངས་སྲིད་གྲོས་ཀྱི་ཀྲུའུ་ཞི་གཞོན་པ་དང་ཀྲུང་གུང་ཀྲུང་དབྱང་འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་ཏུའུ་ཆིང་ལིན་གྱིས་ཏཱ་ལའི་བླ་མའི་མི་སྒེར་གྱི་འཐུས་མི་རྒྱ་རི་བློ་གྲོས་དང་སྐལ་བཟང་རྒྱལ་མཚན་འཁོར་དང་བཅས་པར་མཇལ་འཕྲད་གནང་བ་རེད། Read the rest of this entry »

གསར་འགོད་གསལ་བསྒྲགས།

༢༠༠༨།༡༡།༣

བོད་མིའི་དྲང་བདེན་གྱི་ཞུ་འབོད་ལ་བདག་སྐྱོང་མེད་པར་ལུགས་མཐུན་མིན་པའི་

ཁྲིམས་གཅོད་མུ་མཐུད་གཏོང་བཞིན་པ།

༄༅། །དེ་ཡང་ད་ལོ་གསུམ་བཅུའི་དུས་དྲན་ནས་བཟུང་བོད་རང་སྐྱོང་ལྗོངས་ཟེར་བའི་ས་ཁུལ་ཙམ་མ་ཡིན་པ། བོད་ཆོལ་ཁ་གསུམ་གྱི་ས་ཁྱོན་ཡོངས་ནས་གཞིས་ལུས་བོད་མི་རྣམས་ཀྱིས་ྋགོང་ས་ྋསྐྱབས་མགོན་ཆེན་པོ་མཆོག་བོད་ལ་གདན་འདྲེན་ཞུ་དགོས་པ་དང༌། པཎ་ཆེན་ཆུང་སྲིད་རིན་པོ་ཆེ་གློད་བཀྲོལ་གཏོང་དགོས་པ། བོད་མི་མང་ཙམ་མ་ཟད། སེམས་ཅན་དབུགས་ཐོག་ཚད་ཚུན་ཆད་ལ་ཞི་བདེ་དང་རང་དབང་སྤྲད་དགོས་པ་སོགས་ཀྱི་ཞི་རྒོལ་སྐད་འབོད་རིམ་པར་གནང་ཡོད་ནའང༌། Read the rest of this entry »

བོད་ཀྱི་དཔའ་མོ་དཔལ་བཟའ་ནོར་འཛིན་དབང་མོ་ལགས་ལ་ལོ་ལྔའི་ཁྲིམས་ཐག་བཅད་འདུག

གྲྭ་འཇིགས་མེད་ཡང་བསྐྱར་འཇིན་བཟུང་།

ཁ་བརྡ་དྲ་ཚིགས་ལས་བཤུས།

འོད་ཟེར་གྱི་དྲ་རྒྱ་དང་ཕ་ཡུལ་དྲ་རྒྱ་གཉིས་ཀྱི་ཐོག་བཀོད་པ་ལྟར་ན། ༢༠༠༨།༡༡།༤ གཟའ་མི་དམར་ཉིན་བླ་བྲང་གི་གྲྭ་འཇིསག་མེད་ཡང་སྐྱར་འཛིན་བཟུང་བྱས་འདུག འཇིགས་མེད་ནི་དེ་སྔོན་བླ་བྲང་དགོན་པའི་དགོན་པའི་བདག་གཉེར་ཁང་གི་འགོ་གཙོ་གཞོན་པ་ཡིན་འདུག ༢༠༠༦ ལོར་ལག་ཁྱེར་བཟོས་ནས་རྒྱལ་དབང་རིན་པོ་ཆེའི་མདུན་ནས་དུས་འཁོར་དབང་མོ་ཆེའི་དབང་ཞུས་ནས་ཕར་ལོག་པ་དང་ཉིན་༤༠ རྒྱ་གཞུང་ནས་བཀག་བསྐྱིལ་བྱས་རྗེས་དཔང་རྟགས་ཀྱིས་ཕོངས་ཏེ་གློད་དེ་ཡང་སྐྱར་དགོན་པར་ལོག་འདུག Read the rest of this entry »